| 入到喇！入到喇！心情十分緊張，到底上學期的成績如何呢？
4科神學科平均成績為B，特別以新約導論表現最理想，有B+。如果唔係大學的通識科目所影響，我GPA已經過3了...這個成績，對其他人來說可能不是太理想，但對我來說已經很好了！我會繼續努力！希望之後可以發揮得更好！ |
| |
| 今日難得同爸媽外出食晚飯，不過間酒樓好唔得...又貴又細碟...
不過間o野都幾奇怪，不同的人種都有 - 日本人、英文人、中國人...搞到好似好high！不過我就唔太欣賞...hoho
今日開始睇日劇 - 「電車男」，看完第一集，感覺好似幾老土，冇乜太大動力繼續睇...唔知大家有沒有其他日劇介紹下呢？至於韓劇就不用了...唔知是否先入為主，我始終對日劇的喜好大一點！不過我同大部份男仔唔同，我唔係因為d日本女明星靚而鍾意睇。相反我是因為木村而開始喜歡日劇，接著就是不同的日本男星...
在我個人來說，日劇無論在故事內容、製作水準和認真程度都是全亞洲最好的。TVB，努力啦！ |
| |
| 今晚參加了某中學的十週會晚會，校長不斷強調台上演出的學生已經在他們的能力範圍內做到最好了。對我來說，我想他們已經在水準之上了。其實好與不好只是相對的問題，看看你拿什麼來比較...「人比人、比死人」，不錯，其實只要每次都能突破自己，那不是已經很好了嗎？
晚會完結後，見到很多相熟的學生，和他們傾下計、玩下...闊別他們幾個月，感情還沒變。我想這便是做人的工作滿足感所在！ |
| |
| 停辦好幾年的教區運動會，終於在今日順利舉行完畢。由過往在中大崇基，一轉便到了港大的運動場。今年我沒有參加任何的比賽，何解？年齡問題？我想不是。那麼為什麼不參加比賽？連我自己都唔太清楚...
今日最開心的一件事，我想是見到我的好朋友和她的男朋友，冇見一段時間，雖然好像有點距離，但我知我們的友誼從未改變。
最近越來越覺得好朋友的可貴，因為他們能夠互相體諒和支持！ |
| |
